Khristian thuanthu sungah Missionaries tam zet an um.
Harnak, mangbangnak le vansannak phunkim tuarih an nunnak tiang cemralih Pathian hrang ṭuansuaktu zohṭhimtlak zetzet tampi an um. Cupawl cu an zaten kan tarlang thluh cawk lo ding nan leitlunih Missionaries hmithang mihratkhawkheng 10 pawl thuanthu tawi kan vun zoh duak pei uh.
 |
| Tinga cu keh lam deuh hi MTC ah |
William Carey (1761-1834)
William Carey hi santhar missions pabik ti ih theihlarmi a si. Carey cu Mirang ram ihsin India ih missionary feh a si ih ṭawng, cangan, le ca-nam pawl hi a thiamhleice mi a si. Ṭawng phunphun in Bible tampi a let suak.
Carey cu buut tuahtu(shoemaker) a si laiah nun thar nei in England kawhhran ah a ṭhanglian. Lehhnu ahcun Baptist kawhhran a kawp ih India ramah Baptist missionary in a feh. Amahte Latin, Hebrew le Greek pawl cu a zir.
Baptist Missionary Society a din ih mi’h thinlung la zetin Pathiang hna a ṭuan.
Adoniram Judson (1788-1850)
Judson hi Baptist missionary a si ih saklam American Protestant ih ahmaisabik kawlram ih thlahmi missionary a si. Missionary hmaisa pawl bangin cabu let le kawhhran tundin dan ding pawl cu a hnaṭuan a si. India ih mahte ukawknak Bible tlawng (Congregationalist) ah a rak feh nan, Bible tampi a zingzawi hnuah Baptist doctrine hi Bible thawn a kaihaw bik tin a rak ruat. India ih Western dotupawl ruangah kawlram ah a feh.
Ahmaisabik zumtu mi 18 a ngahnak ding hrangah kum 12 caan a hmang. A thih tiangah kawhhran 100 a din ih mipum 8,000 lenglo a nei. Kawlram Baptist kawhhran pawlin “Judson Day” tin kumtin upatsunlawihnak caan a hmang.
David Livingstone (1813-1873)
David Livingstone hi London Missionary Society ih sii lam missionary a si. Scotland ah 1813 kumah a suak, hmanseh zingzawitu le Sibawi a si bangin a can tam sawn cu Africa ah a hmang. Livingstone cu science lam le thilumcia a theihnak pawl hmangin Saklam Africa pawlih ram zuk suainakah tampi a bawm. Livingstone cu a umnak hmunah reipi a um dah lo. Hmun dangdang ah feh in lehhnu(amah hnu) ih missionaries ra ding pawl hrangah Africa pumpi ih ram zukpawl tuah/suai sakin a can a rak hmang.
Livingstone cu missionary ropi bik lakih mi pakhat a si tin ruah a si ih Pathian in a nun cu nasaten a hmangih a Thuthangṭha sangka a awnnak hrangih a hmanrua ṭhazet khal a si.
Gorge Muller (1805-1898)
Muller hi thlacam minung ti’h theihlar a si ih nu le pa nei lo (orphanages) cawmnak thawktu le leitlun pumpi ah missionaries a ṭul zia thu tlangaupitu a si. A nun sungah England ih nu le pa neilo a cawmnak hnuaiah nauhak 10,000 pawl cu amai cawmdawlnak hnui ih ṭhanglian an si. “Faith missions” ih thuken famkim tertu hmanrua pakhat a si ih himi cu biaknak lamih mi bawmnak thawn siloin bulpak le kawhhran ih mi bawmnak thawngin a si. Amah hi ziangtik hmanah milai hnenah bawmnak a dil dah lo ih Pathian rinsannak sawn hin milai hnenah kan mah bawm duhnak thinlung a neihter timi cu hnget zetin a zum.
Hudson Taylor (1832-1905)
Hudson Taylor cu a missionary ṭuannak China ah kum 50 hnakih tam a can a hmang ih China nunphung cu a upat zet.
Hudson Taylor cu mina tuamhlawm (physician) a rak zir ih sibawi, evangelist le caleh hna pawl cu China ah a ṭuan. Sii thu ruangih England a kir sal can khalah a caleh hnaṭuan cu a sunzawm rero.
A nun sungah mi 100 cu missionaries ah a sersuak. Hudson Taylor ih nun le thuanthu hin tulai missionarie pawl hrangah thuhmaihruai ṭhazet in ngansak, in tanta a si.
Jonathan Gofrth (1859-1936)
Jonathan Goforth le a nupi cu nunphung missionaries vekin 1888 ah China ah an feh. Hmanseh can reilote sung Evangelist vekih um a ṭul zia a hmuh ruangah hmunkhat lawngih mission dinhmun thawi um ih kawhhran din ai ah, hmun tin ah feh in bawm ṭulpawl bawmin le zumtupawl thazang pe phah in China ram hmuntin ah thuthangṭha simin a can a hmang.
Amy Carmichael (1867-1951)
Amy Carmichael cu Irish missionary a si ih India ram ah kum 56 sung rori inn tlung lo ih Pathian riantu a si. A hramthawk hnaṭuanmi cu India saklam ramih nu le pa nei lo pawl khurawm a si. A nih hi nunau a si nan China ih missionaries a ṭulzia Hudson Taylor ih a rak sim hnu mi’h thinlung la zetih run simsawngtu le aupitu a si. China Inland Mission (Taylor’s missionary group) thawn missionary si thei ding a dil nan a hardamnak lam a ṭhat lo ruangah a tlin sal lo. A nun neta lam kum 20 sung cu damlonak thawn a hmang.
Nate Saint (1923-1956)
Missionary Aviation Fellowship (MAF) ih vanzam mawngtu a si vekin Nate Saint cun India Waodani (or Auca) miphun thawn Ecuador ah pehtlaihnak tuah in a bawm. Lehnu ahcun a mah le a rualpipawl cu cui miphun thuthangṭha an simnak ah thah an si. Ziang a va si khalle Nate ih naunu le midang, cuini ih thah a tuartui nupi pawlih zuamnak ruangah Indian Auca miphun cu Pathian theitu miphun ah an rung cang. Nate Saint ih nun cantawite sungah hin harsatnak, mangbangnak le beidawnnak pawl thawn a can cu hmang rero hman sehla Pathian in a hrangah tumtahṭha a rek nei. A tuarnak, harsatnak le zuamnak ruangah miphun pakhat cun lehhnu ah Pathian an run theih phah hleiah ziangkim hi a Hmin sunlawihnak hrangah a rak si sawn.
Jim Elliot (1927-1956)
Jim Elliot hi a nun hmaisa lam ihsin Bible a zir ih a nun hruaitu ah a hmang. India Waodani (asilole Auca) pawl kutih Nate Saint le midang missionary pawlih thih dan pawl tla a cing ringring. Mangbangza harsatnak thawi thah an si ko nan a rahsuah ve thung cu hi pawlih nupipawl hmangin an mah rak thatupawl hnenih Thuthangṭha an theihtheinak ding hrang an thinlung sangka an awn sak. Jim Elliot ih a rak simṭtheumi cu “mi pakhat in a hloh theilo mi thil thupi ngah theinak hrang a kilkhawi theilomi thil petu si hi at hna a si lo”
Eric Liddell (1902-1945)
Eric Liddell 1980 ih Chariots of Fire timi zuknung(film) ihsin theih larmi a si. Himi zuknung(film) cun Olympic zuamawknakih tlan rerotui nun hi a rak khihhmuhmi a si. Liddell cu Saklam China ih missionary insang ihsin suak a si. A nu le pa hi Lodon Missionary Society Scottish ih missionaries an si. China ah a suak ko nan a tlawngkainak cu Scotland ah a si. Tlawng a ṭheh hnu le Olympic ih a lek ṭheh hnu 1925 ah China ah missionary hnaṭuan ṭuan dingin a kir. Rawngbawltu a si bangin tlawng cazirhtu tla a ṭuan. 1941 ah ramnawr Japan pawl an rat ruangah British kumpi cun China suahsan dingin a fial. Cutin Liddell ih nupi le a fa le pawl cu an umnak Canada ah an kir sal. Eric cu sizung/zato ih hnaṭuan dingah a unau pa thawn an rung tang. 1943 ah Liddell cu Japan pawlin thawng an thlak, hmanseh nauhak thuzirh le Pathian thu sim cu a cawl cuang lo.
Mr. Liddell cu thluak lam damlonak thawn Weihsien Internment Camp ah February 21, 1945 ah a thi.
Thukharnak
A tlungih tarlangmi Khrih ralkap ṭha pawl cu thlun an va tlak lawmam ve. Khawpi nuam taktak, cangkang taktak tlansan in khawte berek ah Khrih keneh thlunin an feh. An vanzam mawn thiamnak tlansan in cathiamlo le thutheilo pawl menih tiduhdahnak hnuaiah an nun an liam. Khawpi sungih hlawhman tam taktak ngahtheinak an si thiamnak cu tansan in khawte berek thla-hlawh um mumal lo ah sibawi ṭuanin leh Khrih hrangah an feh. An science thiamnak pawl khal Khrih hrangah an hlan thluh men. An neihsun sumpai khal uanawknak, duhawknak le nawmnak men ah siloin miharsa ziangmaw zat hrang an pe. An hminthannak lehthiamnak khal tannin zawi upat sunlawihnak umlonak ah Khrih hrang an feh mai. An hminthannak lemcan thiamnak pawl tla Khrih ruangah cun an tlansan mai An cathiam nak le an nunnak pawl khal Pathian hrangah a pumhlum in an hlan.
An mah le tawkah dinhmun ṭha nei, ṭawng phunphun thawi Bible let thei, Sibawi, science lam thiam taktak, farah harsa tampipi bawmtheitu, lehnak lamih hminthang zet, zuknung cangthiam taktak, vanzam mawng, cathiam le hleicenak nei pawl lawnglawng an si.
Hminthannak, lennak le ropitnak lawnglawng hawl thei an si ve ko. Innlamah nuam takih to men thei, nuamcen ih hahdam takih um thei hlir an si ko nan mi’h nautatnak, thinphang ih thlansukso ṭul, harnak, damlo vansannak, mangbangnak, beidawnnak pawl tuarin le nunak tiang liam in Khrih ruangah nunnak khawthim zin an rak zawh. An nih cun kan Lal Zisui keneh cu an thlun taktak. Cui an keneh cu thlun ve in leitlun ah Pathian ram a koh sinsin theinak ding Pathian in hman in duh. Zumtu an keneh thlun in feh vivo uhsi.
Hms: "10 famous Christian Missionariesz" sirhsan in a remcan dahih leh le ngan a s
