Khristian nun hi ning um za a si ding maw?

Amos Thang & Professor Dr. Tabingo

Mi tampi in Khriatian nun hi an ruatsual theu. Khristian nun hi a taktak ah cun sungmuril lungawinak taktak, hngngamnak tawpkhawk, ruahsannak dik, le cotawk te ih lungawinak a si. Hi thiltha pawl, a famkim zet mi hi Pathian hnen ihsin a ra mi an si (James.1:17) Thil harsa pakhat cu Khrih zumtu, neitu na si lo ahcun na palh sualnak  na thei thei lo.

Khristian nun hi a awltuk ti dinglawk cu a si lo. Cangantu pakhat cun Khristian nun cu a thang rero mi a si a ti “ Kailawn electric tha ih feh tir mi  kawl tongih Dat hleka (elevator) vek vun ti sohlawk si lo in si lo in (escalator) a sozal deuh in kai lawn pangai vek ih kainak a parih kai ngah hnuhnu cu dung a kir dah lo hmailam ah a kaiso mai vek si. Asinan kan thansoh tlang theinak dingah beidawngih dung kir tumsuk pawl khal ngaihvenin kan vun tuaithar salih kan kai sohpi a tul. Khrih khal in awl ai ten thlun theih dingin zo hman a thlem dah lo, “Remnak lenter dingah ka ra lo” a ti sawn (Matt. 10:34). Awl ai te cu a si lo nan harsatnak kan tuar mi in kan bei in dawngter lo le daithlang tir lo in kan cah theinak dingah in bawm sawn. Pathian ih nun nei taktaktu cu harsatnak tuar tamtu pauhpuah in Pathian an naih deuhdeuh.

Khristian nun hi a nin um tuk ti ruattu pawl khin Pathian ih sawmnak aw le a thatnak an tep dah lo a si (Sam. 34: 8). Cu hnakin an mai ruahdan hlawknak pauhpauh hi lung diriamnak hmuh theinak dingah, duham nak thawn an dawi rero. Hmansehla thil buaithlak zet cu hi leilung tlun hi duhkim lonak ram a langtei kan umnak men a si ruangah, ziangtik hmanah lungdiriamnak an hmu thei cuang lo. Bible in fiangzet ih a tarlangmi cu kan minunghlun sual lungduh zawng ci kan tuh mi hin siatralnak sawn in then tengteng ding thu in sim (Gal.6:8) A fimbik le a lianbik a duhduh ih nung thei, a uar zawng tuahtheitu singpahrang Solomon hman in, kei mah le kei mah ka ning aw a si, ka mit ih caknak pawlhi zianghman lo men an si a ti. Ka thinlung nuam tir theitu an si lo (Thusimtu 2:10). Solomon in a neimi hmuahhmuah hi zianghman lo men an si a ti (cang 11). Thudang deuh in kan sim a si le hi leitlunih a neih mi hmuahhmuah hi mi pek ding le mi hrang ding men asi ih a ning thlauh thlo.

Ziang mawcang ahcun Zumtu thar te hin mangbangnak an tawng theu ziangah ti lo a nunthar hin phurnak a um lo ruangah, Khristian nun hi vawi le khat ih phur sosang ding in a theiih, cuvek a si ve si lo ruangah a mah te a mangbangnak a si. Cuvek nun lam a rak si lo. Nin um le huat thla la kan ti mi pawl hi kan neh a tul. Dawr tluan ih thil lei ding hngakih kan dintlar (kan dan si) can ah maw, a si lo le Motor traffic tuk canah maw, hnatuan ngah lo can ah maw, kan um dan hi ralrin a tul zet. Thinheng le nin umzet kan tawn can khalah kan elthei lo mi parah um dan thiam a pawimawh, ka ningtuk ti rero ding kan si lo.

Hrekkhat buainak kha ziang tlukih ninum ha a si ti fiang ta a tul. Lungthawhnak cak hiarnak nei lo a si maw? Zianghman ih tha thawhnak le lungawinak nei thei lo lawlaw a si maw? Cangvai lo mi teh a si maw? Cu vek a si pang le a thinlung tawh khar aw kha on dan ding thiam a tul. (Sik uan sa mi) ruahsanmi le uarzawng neilo lawlaw a si maw? A thawhfung theih le hmuh a cak um sinsin. Nawmnak lam hai lo mi a si maw? Cuti a si ahcun nawmnak a tul mi ziangvek nawmnak a si ti theih fiang ding, nawmnak hi minung sungih um mi ruahsannak thupi bik a si.

Hrekkhat pawl in hitin an ruat lala Khristian si hi paih a um lo, ziangah ti le an theih dan cun khristian sicun damsung ih thil nawmnak phunkim hi tuah nawn lo rori a tul tin an ruat. Hi hi a hman ko. Khristian pawl in bansanmi tam pi an nei, asinan cucu nawmnak hmuahhmuah bansan a si lo, an tlansan mi tak cu sual an tuah theu mi, mai nun siatsuah theitu, an zawngsangnak pawl, Pathian an ngaihsak lonak le a dokalh zawng ih an nunnak pawl ihsin an kirsal ih Thlarau Thianghlim hmangin hnangam lungawinak le dingfelnak an co sawn. (Rom.14:17). Hi lei thimlakah tleunak ih fa te vekin an nung sawn (Eph.5:8). A hlanih an ti sualmi pawlin an parah thilti theinak a nei nawn lo. An hrangah an nung nawnlo ih, an ai ih thi tui hrangah an nung sawn. Thil danglam zet an tuahih midang hrangah an nung (Rom.14:7; Philip. 2:4). Pathian in an si dan dingih a sersiam dan vek rori, an hung si thei thlang. An nun hi nin um a si nawn hrimhrim lo.

Kan kumkhua hrangih man neibik um sun cu hi leitlun kan um laiih Jesuh Khrih thawi peh zawm awk hi a si. Khristiannak ih nun pe aw le thang so mi cu ziangtik hmanah an nun a buai dah loih an nun an ning dah lo. Zumnak ih ke kar ding le rualpi thar sersuakih midang hrangih nunpek an hmabak a si ti an thei ringring.

Khristian nun hi ninum zet ding a si maw? Si lo lawlaw Jesuh in hin tin a ti “Nun an neih ih am tak in an neih theinak ding ah ka ra a si a ti.” (John. 10;10).

Recommended Resources: Boring: Finding an Extraordinary God in an Ordinary Life by Michael Kelley and Logos Bible Software.