Job ih nun nak hmangin ziang si ka zir ding mi?

Job ih nunnakin a langter mi cu Zumtu bulpak cio nunih Pathian in a phente

Amos Thang Ayala, Philippines ah

hmuhthieh loih sin hna a tuanmi hi minung ngaihtuah suaktheih lole ruahban lo mi a si. Mi hmuahhmuah ih thusut theu mi cu: Ziang ruangah mitha pawl hnenah thiltha lo a thleng theu? Hi mi hi hlan ihsin sut ringirng mi a si ih, Minung dan cun san a har nasa. A sinan hi tawkah hin zumtu pawl kan vanneih a hleicenak cu Pahian in ziang hmuahhmuah a cangthei, cangthei lo khal a kilveng thluh (control) ti theihnak kan neih hi a si. Zaingvek khal thleng seh la a pawi lo Pathian theih pi lo in thilcang pangmi a um lo ti kan thei. A  tawnglawn aw kherkher, kawl tongin (a taihsaing) Coincidence tivek zumtu hrangah a um lo. Job hin a nunnak ih thil thlengmi riahsiatnak nasa hi ziangruangah ti theihnak zianghman nei lo hmansehla  Pathian ih theihpi nak in a cang mi lawnglawng an si ih, Pathian hi a Lal tohkhamah to in ziang hmuahhmuah a thu neihnak thawn a kilveng ti thei a si.

Job cu a kiang kapah a thinlung siatnak ding tiangih tukforhnak tong hmansehla Pathian hnenih a rinnak a hloh cuanglo. Nikhat ni rori ih neihmi hmuahhmuah le fate tiang vun hloh thuh ding cu ruah harsa za cu a si ko. Hi vek canah hin cun thenkhat hrangah cu beidawngih mahte awk awk that awknak khawp a si, sihmansehla Job cu Pahian ziangkim tlunih thu neitu (Control) tu a si ti a  theihnak ruangah, cuvek harsatnak lak khalah a hnin cuang lo. Job ih rualpi pathum lakih pa khat cun hnangamter lam hnakin suallam  a ra forhih a cam tiang a ra camih, Pathian ti ninghan ruangih Pathian camsiatnak tawng vekin a ra sim. Job cun cu vek thil sual a tuah lo zia cu a thei fiangtuk, a ngaingai ahcun theihternak dawngin Pathian thawn pawl komnak an nei sawn a si ti a lang ter. I thih tir a si khal le hmai ton rori in a maihmai ah ka thu hla cu ka thlen pi ding ti beiseinak ka nei a si a ti. (Job. 13:15 NIV).

Pathian ih thutiam hngetzet cu Satan in Job ih nupi le Job ih nunnak lak lo ding kha a si. A nupi cun Job vekin rinnak hnget a nei lo ziangruangah ti le a pasal Job kha Pathian camsia ta hrat in a mah thi mai ding in a forh (Job 2:9). A zumnak in a mah a luat tir thei lo nan Job ih nupi a si nak in a Job ih tuahnak ah a him phah titsa bang aw an nei an sinan Satan cun a nunnak a la cuang lo tuarnak phen ih malsawmnak a thleng sawn a si. Job khal harsatnak a tuarhnu ih a fa le cu an mawituk Job ih fa tlukih mi mawi leiah an piang nawn lo ti a si ih. A lenak khal pek leh sal a si. Sual ruang ih tuar vek ih ra mawh siattu khal, ran thisen lawn ta hratin Bawipa a hnen ih ngai dam dilsak in Job ih thla a camsak lawngih ngaidam si ding in a sim hai. Pathian hi hmuh theih loih kan parih a cangvaihnak theihthiam harzet hman sehla a rinumnak thawn a sunlawinak kan hnenih a langter duhmi a thulh dah lo. Tuar ter a sianmi malsawm pe ta lo in a thlahthlam in a tanta dah lo. Tuarnak harsa kan tawng pang a si le Bawipa ziang ah ha kei hi vek tuar I sian na sunglawinak ding a si ah cun tuar thei nak I pe sin hram aw ti thlacam mai ding a si ko.

Job ih nun ih Pathian sunlawinak a lang vek in, kan nun cio ah Pathian in sunlawinak co hram seh.

By Amos