MAH LE MAH THAT AW PAWL HI CHRISTIAN HMUH DAN IN ZIANG VEK A SI PEI? BIBLE IN TEH ZIANG TIN A REL?

• Kan Bible in mi paruk mahte that aw thu cipciar tak in a rel: Abimelech (Judges9: 54), Saul (1Samuel 31:4), Saul ih ralthuam phurtu (1Samuel 31: 4-6) Ahithophel (2Samuel 17:23), Zimri (1 Siangpa hrang 16: 18), le Judas ( Matt. 27:5). Hi lak ih panga pawl hi cu an mai sual ruangah ti ngan an si. A rel tello mi cu Saul ih ralthuam phurtu hi a si, a nuntu khawsak dan ziang hman a lang lo. Mi hrek cun Somson ih thihnak khal hi mah te that aw tluk a si an ti, ziang ruangah tile a cangvaihnak khan thihnak ah a hruai ti a theih a si (Judges 16: 26-31), a sinan Somson ih tummi cu Philistine mi pawl thah a si a mah te thah awk a tum mi a si lo.
• Bible ih a sim dan vekcun mahle mah that aw cu mithat thawn a bang aw, mah le mah that aw an sinak tak kha a sualbiktu si. Pathian pakhat lawnghi ziangtik ih thih ding tile ziangvek ih thihding ti thuthentu/ laireltu a si. Sam sungih a rel vekin kan sim ve ding "Ka tikcu le can cu na kut sungah an um” (Sam31:15). Mahte thahawk duhtu in Pathian khawkhan a dodal ti a lang.
• Pathian cu nunnak petu a si ih a duh le a peih a duh le a la, (Job.1:21). Mah le mah thah awknak ih mai nunnak siatsuahtu cu zum lotu ziaza a si ziangah ti le Pathian pekmi nunak an hnawl ruangah. Zo hmanin Pathian in an parih thuneihnak hi mai nun nak ti tawp dingin lawn (cuh lole laksak) tum ding a si lo.
• Mi hrekkhat cu Bible sungah nun beidawng lellel tla an um. Solomon khal nawmnak phunkim a tuahih a tawpah cun nunnak hi a hau a si. (Thusimtu 2:17). Elijah khal ṭihnak le thin harnak ruangah thih a duh zet (1siangpahrang 19:4). Jonah khal Pathain hnenah a thinheng tukih thih a duh sawn ve (John4:8). Paul le a missionary rualpi pawl hman camkhat te cu Palbetnak hnuaiah kan tlin lo ding tiangin kan tuarih nunnak thuah hin kan bei a dawng a ti (2Kor. 1:8).
• Sihmansehla zohman mah le mah that aw an um lo. Solomon cun Pathian ṭihnak le a dan thlunak a zir suak sawn, hi hi mi hmuahhmuah ih kan tuah ding mi a si (Thusimtu. 12:13). Elijah cu Vancung mi hmangih hnangamnak pek in a umih daiten colh tir a si. Cui hnuah tuanvo thar a pe. Jonah khal Pathian nunsimnak le kawknak a tuar. Paul cun a tuar thei lo ding a tlin lo ding khawp harsatnak le hremnak a tuar mi ihsin Bawipa in ziangkim a phursuak thluh thei ti a zir suak. Hi vek thil a thlen tikah kan mah ah hngat aw lo in Pathian mi thi hman kai tho theitu hnen ah ṭhum aw sawn ding kan si.
• Bible vek rori cun Mahte that aw cu sual a si. Hi mi hi sual tum bik cu a si cuang lo, Sual ti mi ai ih thil siava dang a um cuang lo. A awk aw that pawl an mualpho lai tak kha Pathian in a hmu, Hell an feh ding le ding lo vek cu ruat ciamco a tul lo. Ziang khal va sisehla mahte that aw pawl cu thukzet le a khazetmi theihpi ban lo in an tuarnak cu a vawr tawp an thleng ti theih a si. Mahte that aw pawl hi an zuntuar tui hrang hmanah, ti dam ding ah a awl lo zet.
• Tui sun ni ih harsatnak tuarpawl hi an hnenah Pathian in a zangfahnak thlen hram sehla thahawk tul loin Pathian in khawkhannak ih lungkim nak cohram hai seh ti hi saduhthah bik mi a si (sam. 67:1). Cui tlunah kan zate Pathian ih kan hrang thabik ih a khawkhanmi lang hrih lo hmanseh la beiseinak kan nei cio kei uh. Zokhal ka hmin a ko tu cu rundam an si ding a ti. (Rom. 10:13). Bawipa ih cawlh damnak cotu pawl hi zianghman um lo hmanah a mah kan neih cun kan hna a ngam a si. Hmuh theih lo sunglam thla hnangamnak in hi thu siartu nan zaten thlawsuah lope in lo luhcilh hram seh.
• Thulaknak: Gotquestio.org