Rundamnak hlo thei ti mi thu El sal nak

Cekerekhei,saya Hre Kio in "Rundamnak hlo thei" a pom mi youtube ih nan run

Ram harsa/ Ram nuam ziangvek
 hmun khal ih Bawipa Pathiana pa khatnak
ih rettu Rev. Lal Nei Thang

thlah hi tha ka ti nasa. Amai ka rori ih a hlo thei ti a simmi kan ngai ngah hi thaw a suak rori. Hihlan ah cun "cu tin a ti" ti hrawng lawngin kan thei theu ih tu cun a tivek cekci in "hi tin a ti" kan ti thei thlang. Hi mi cu zohman personal attack a tuah lo ih a zumnak a mai Theological perspectives a sim ih a simmi malte lawng ka let ve ta ding.cumi umzia cu ruahhmang, damkhanh, Sakhi thingpar kai tir tinak a si.  A context kan zoh kei ih, himi Bung 6 ah hin a thuhlawm (context) a lang fiang mai lo hmanah, a Hebrews pum ih kan zoh a ttul. Hebrews hi Juda mi pawl christian hminpu ve mai le christian ngaingai an cawhrawiaw ti kan hmu ih, a Hebrews khaikhawmtu thulu cu khaikhinnak comparison a si ih "Better" ti a si. Juda dan maw christianity, Melchizedek puithiam maw, Zisu puithiam, Satil thisen maw Zisui thisen etc. ti pawl khaikhinnak a si ruangah hi "tlu sal" a timi thu hi Apostasy an thieh cia mi tluksannak a si ruangah piangthar zo tlu sia a si thei lo. Charles William thu a ti mi kha cu apostasy pakhat a si in ka thei ih, kha vek personal experience cu secondary a si ruangah Biblical a si lo ih khai pai thu in rundamnak hlo thei lo thu define tuah dan tuah kel a si lo. A cu pa cu a piangthar taktak maw taktak lo ti zo saw thei! Kan experience hi Bible hnak in a sang sawn thei lo, secondary a si ih cun kan experience in Bible thu define, interprete kan tuah a si le Pathian thu hi kan zuih ral tir theu minimize thluh. Cun Rundam zo, rundam lai rero le rundam lehding (was saved, being saved, will be saved) ti a dimmi a dual pun glum law law. What is salvation?  Saved from what, to what? It's far more than just being saved from our sins, to heaven after we die:Our salvation in Christ is multi-stage:  Have been saved - Eph. 2:5, 8-13; 2 Tim. 1:9; Tit. 3:5            Am being saved - 1 Cor. 15:2; Phil. 2:12  Will be saved - Matt. 10:22, 24:13; Mark 13:13; Rom. 5:9-10 Rundam lai rero (being saved) cu Vanram kainak ding hrang a si lo, Pathian fa si zo "was saved" rundam zo mi pawl ni tin sual lak ih rundam rero mi kan si, Vanram kai nak dingih sual tuah lo thu a si lo. Cun will be save a ti mi khal a sim thelh lawlaw: Will be saved cu kan thithei taksa si nawn lo,

perfect body thawi kan umnak ding cp. Rom 8:22-25 "kan taksa tlennak kan hngak" ti a si hi. (1) Rundam zo (was saved) cu Pathian fa vii khat si zo relationship a siat thei nawn lo, tluksiatnak thu cu a hnuaiah ka sim leh ding.(2) Rundam lai rero (being saved) cu ni tin Kristian nun ah tluknak, bahnak le Setan kut lak phun phun ih rundam rero mi kan si. Kan that le vanram kai dingih rundam lai rero a si lo.(3) undam leh ding (will be saved) cu Thlarau taksa ih kan thawhsalnak ding, sual thei nawn lo kan taksa tlennak ni ih kim ding a si. Piangthar tlusia vs. "ka piangthar" ti ih sual ih nung thotho thlendan a tul.Piangthar rori cu Zisui nun neih a si ih mah kel ih nun, nun kel ih nun a ngah lo, sung lam ihsin thlengawknak a um. Cuvek khal um lo, phurnak le thluak ih theih fiangnak ih "ka thar e" ti mai an um. Phur lai ah cun a mak ih mak ih danglamnak an nei. Khai phur can kha a kum in a daih thei, kum ziangmaw zat khal a daih thei nan, an sunglam ih neihmi Zisui nunnak cu a um lo. A phur lai ah thi bangta sehla, minung ngai cun piangthar rori a si si tin kan phum ding nan, Pathian lam ah a fiang sawn. Cun piangthar cia tlu cu a tho sal ding Bible ih a ti vekin tho lo hman sehla van ram a kai ding ti cu a tuahmi parah si lo in relationship Pathian thawi an neihnak ah a si sawn. 1Cor 5:5 ih pai nupi lawng kha, "a thlarau Bawipa Zisui ni ih rundam a si theinak dingah a taksa cu Setan hnen ah pe sehla ka ti" ti hi. Setan hnen pek cu Church discipline ih excommunication thu a si nan, hi pa hi repentance a nei lo mi a si ruangah kohhran ih an suah cun kir nawn lo ih taksa thi mai ding in thuhnih tluk in kan hmu. Hi hi sual ttan a si lo, one sided preaching, interpretation a si lo. Bible interprete kan tuah rengreng ah a thuhlawn context zohlo in kan tuah a tul. Cun saya Hre Kio ih "hla ka duh zet nan a Theology a hman lo" a ti mi kha, Liberal Theology perspective Palegionism or Semi-palegianism lam ih a ti duh san maw ti cu kan thei mai ko dingih, cun conditional salvation and security lam cu a thlun lawlaw ti kan thei ko. Kha mi kha Evangelical Conservative Theology perspective in a sual lo. "Sinai tlang ka thihnak, kalvari tlang mawi ka nunnak" ti cu ka rel duhmi a si lo  kha vek kha cu allegorical interpretation a si ih kha mi cu ka duh lo e, a si nan "Zisui thisen in ka sual hmuahhmuah le ka sual lai ding tiang i ngaidam" ti cu Hebrews 9:26 He then would have had to suffer often since the foundation of the world; but> now, once at the end of the ages, He has appeared to put away sin by the sacrifice of Himself. Heb. 10:10 By that will we have been sanctified through the offering of the body of Jesus Christ once for all. Hi Bible hi kan sual lai dingmi khal ngaidamnak a si. Heb. 10:10 ih a simmi ah in thianhlim ti a hmangih Sanctification cu thap 3 in a um ih (1) Positional Sanc. (2) Progressive Sanc. (3) Ultimate a si ih hi mi khal a hmai lam ih kan simmi was saved, being saved le will be saved thawn a bangaw. Positional sanctification timi Rundamnak kan co minute ih kan ngahmi Zisu ih kan dinhmun Fa sinak relationship hi catuan san murengih daihmi a si. Progressive Sanctification cu nitin in Zumnak ah Zisu bangnak nun ah kan tthang vivo mi thiamhlimnak a si ih, kim thluh ih thianhlimnak cu sual thei nawn lo thawhsalnak thu a si. Cu cu Romans 5:21-6:1-8. Rundamnak a hlo thei a si le kan sual sal, kan tluk sal le a hlo ding sikhaw, ziang vek sual pawl tuah lawngah a hlo ding ti in sim thei kem? Uire lo le, mi that lo khal in hngalnak, porhawknak thinlunglam ah kan nei thluh ih cp. Mark 7:14-21 hi mi sual cu Paul in a nei, "kan tluk le a hlo ding ti tu pa khal  in a nei, keimah Lal Nei Thang kum 28 "rundamnak a hlo thei lo" ti au tu khal in ka nei ve. Cu ti a si le Pathian hmai ih sual cu uire lawng maw, porhawknak le mi huatnak teh sual a si lo maw. Rundamnak hlo thei ti cu sual kan tuah le a hlo thei tinak a si. Sual kan tuah le ti si mai lo in tluksiat le ti ih an ttang a si le "Tluksiat le .." timi "tluk" ti thu Bible ih sim thei a ttul ke. Cu vek phun in Bible ah a um lo. Rundamnak cu Pathian laksawng zumnak ih co a si ruangah, zumnak cu tuahnak a si lo pi, Thlarau Thianghlim ruangih Pathian thu theih fiangih Amen rak ti kha zum a si. Rundamnak ah kan tuahmi a tello ah cun a hloh ding le ding lo ah kan tuahmi thawn a pehtlaihawknak a um lo. Kan tluk le a hlo ding ti pawl cu rundam an co ngah lo a si thei, a si lo le co pang sual hman hai sehla, e khai, an Kristian nun ah Thlarau Thianghlim hnatuan an theih lo nasa ih an nun cu a bang nasa ding. Mi Motor an mawn mi toh ih dung lam ih rak ttan ciamco thawn a bangrep ding. Cun Tisa ih zuam ih nun thatnak le Thlarau Thianghlim ruangih Kristian nun nun tla kan tthen thiam lo ruangah a si. Tisa ttan ih ttan cmai ih tlu lo vek ih um in Pathian lung a awi tir ban lo.
Ka thu net.  Rundamnak hlo thei lo kan timi hi License to sin sual tuahnak ding siannak a si lo. ZIsu nei tu cun a nun hlun a hlon ih a mah kel in a nung lo. Cun tlu hman sehla Pathian in a kai tho sal cp. Rom. 14:2-4. Piangthar mi hi a ziangti zawng hman in piangthar lo mi tha zet ih in tluk thei lo nak cu "Kan  nih cun Krih thinlung kan nei" 1Cor 2:16 hi a si. Piangthar cun mi thlarau lainat duhdawtnak a nei ih cu cu zo vek leitlun mi khal ih neih lo mi a si. Cun kamkhat hnih porh aw pang sehla a sungih Thlarau Thianghlim in a sual a theih tir convince ringring mi a si. Rundamnak hlo thei lo ti zumnak cu Evangelical Theology a si ih, Anna Baptist pawl kha, Southern Baptist ti pawl in hlo thei lo an ti. A si nan Tui ni ih American Baptist pawl in an ti maw si ka thei lo. Sim duhmi cu saya Hre Kio hi Baptist a si ih, kan nih khal Southern Baptist kan si ih kan zumnak a bangaw lo tinak a si. Baptist faith and message ah hlo thei lo a si. Rundamnak hlo thei lo ti hi Theology ih niam thu a si lo. Personal attack ka tuahmi a si lo ti in theih pi uh law. Elawknak atthlak cu zo hman email ka lo khirh sal lo ding. A si nan thurel khawm duh lam a si le hi mi thu rel dingin Kawlram khal ka zuang paih ko.

By Ezra Lalnei Thang