Zo in
Bible bung le cang a rak ṭhen? ziangruangah? ziangtikah? A hmaisa
bik (Original)
Bible an rak ngan laiah Bible bung le cang ṭhennak an rak telh
lo. Bible bung le cang an run ṭhennak san cu awlai tei Cathianghlim kan hawl
hmuh lohli theinak dingah a si. “Pathian in leitlun a duhdawt tuk” ti a cafang
ih hawlhnak in John 3:16 ti hawl hin hmuh a awlsawn. Hmun thenkhat ahcun a bung
colhnak an ret remcang lo deuh ruangah a tumtah mi le a catluan feh tlangdan a
ti buai deuh theu nan, a tlang pi thu cun bung le cang thenmi cu hman tangkai
ngaingai a si.
 |
| Amos Thang Ayala, |
Tui sun ni tiangih bungṭhen a tlangpi hman mi cu
Stephen Lanton,Canterbury ih Archbishop pai tuah mi a si. Kum 1227 hrawngah
Langton cun santhar dan in bung a ṭhen. A hmaisa bik kum 1383 ah Wycliffe Bible
ah hi bung ṭhenmi hi hman a si. Cui tawkfang ahcun Bible lettu hmuahhmuah in
longton ih bung then dan cu an run thlunih an hmang thluh.
AD
1448 kum ah Hebrai Thuthlunghlun cu Jewish saya Nathan ti mi in a cang a then
fel thluh. Cun kum 1555 ah Robert Estienne, Stephenus ti mi in a hmai sa bikah
thuthlungthar a Cang pawl cu cangkang, felfai zetin a then. Stephenus cun
Thuthlung hlun cang thentu Nathan ih then dan kha a thupi bik in a hmang. Cui
ricin in bung le cang then fiahfi mi Geneva Bible a um thawk, Stephenus ih bung
le cang then fiahfi mi a neih hnu rei lo te ah Bible leitlun hmuahhmuah deuh
thaw in an run pawm.
Let duhnak san le theih
tul mi cu: Bible hi a thu a thupi bik, a thu hi Pathian ih thusuak, Tawngkam
suak a si ih a tong mi hi a thupi bik, a bu le a ngandan aiin a thusuak a thu pitzia
thei sehla a duh um sawn. Kan ramah mi thenkhat in Satan in Bible a ttih tin a
Bible tla a butu hin thilti theinak nei dingih ruatin Satan dawinak ih hman kan
tum pang theu. Cabu cu thilri hmanrua pakhat men a si, a thilti theinak taktak
cu na sung le ka sung ih thlarua ih rung nung tu hi a si sawn. Bawipan I um pi
ih hi cabu Bible ih ngan mi vekih ka nun I kai hruaitu hi a mah a si ti
theifiangtu si hi ziangkim ti thei Pathian ih thilti theinak hmang ngahtu a si
aw sawn. Bung le cang a um hlan, an then hlan pi in Bawipan a mai thu a si
ruangah a hum. Bung le cang le full stop le khawmma cu theih awlnak dingih tuah
men mi a si.
No comments:
Post a Comment